📍台灣麵 (太子)
太子彌敦道750號始創中心B1樓B02-B06號舖
=====================================
去開太子覓食，係始創中心落一層都有好幾間食肆，呢間叫台灣麵既望落光猛闊落，好似幾乾淨，環境都算舒服😌閒日夜晚去人唔算太多。
.
🍜紅燒牛肉麵 $58 (4/5)
通常食台灣野我都會先試紅燒牛肉麵。呢碗牛肉又多又大舊，最緊要夠淋身。湯底香濃微辣，配埋蔥花酸茶，令人幾開胃😋 麵條係粗身較煙韌，雖然個人較鐘意偏淋既麵條，同埋份量都唔少😆呢個價錢都幾抵食👍🏻
.
🐥塔香三杯雞 $78 (4.5/5)
本身想試滷水豆腐同糖心滷蛋竟然賣哂，傷心💔所以就叫左個塔香三杯雞，反有驚喜🤗九層塔既味道好勁，食落熱辣辣而且非常惹味，肉質仲好嫩滑👏🏻
.
🍜蚵仔麵線 $53 (4/5)
朋友就點左個蚵仔麵線，望落有啲細碗，但蚵仔份量都唔少而且好大粒，而且新鮮！湯底唔算太稀。平時食開既麵線通常都有豬大腸，但佢呢碗就冇。
.
🥤黑魔 (黑糖牛乳奶蓋) $16 (4/5)
另外跟餐可以半價加飲品，我一見到有點糖牛乳奶蓋，就二話不説揀左佢🤩珍珠有咬口，黑糖花紋算整得唔錯，味道唔算太甜，奶既份量偏多，所以同出面好hit個啲會有唔同，但以半價黎講真係好抵飲🤪
Search